the-religion-of-god-cover

سیدنا را ریاض گوھر شاہی نے طالبین حق کے متلاشیوں کے لیےکتاب مقدس دین الہی تحریر فرمائی ہے اس کتاب میں اللہ کے پوشیدہ راز موجود ہیں، یہ کتاب اللہ سے محبت کرنے والوں کے لیے ایک تحفہ ہے ۔

سیدنا را ریاض گوھر شاہی نےارشاد فرمایا، یہ کتاب منصف مزاج لوگوں اور اللہ کے طالبوں تک پہنچانی ہے،ازلی منافق اس کتاب کو تلف کرنے کی کوشش کریں گے۔

کتاب مقدس دین الہی کو آن لائن بھی پڑھا جا سکتا ہے.

کتاب مقدس دین الہی کی ریکارڈنگ عزت مآب سیدی یونس الگوھر کی آواز میں.

دین الہی کی آوڈیونمائندہِ امام مہدی یونس الگوھر کی آواز میں

دیباچہ:

  • جو مذاہب آسمانی کتابوں کے ذریعے قائم ہوئے وہ درست ہیں بشرطیکہ ان میں ردو بدل نہ کی گئی ہو۔
  • مذاہب کشتی اور علماء ملاح کی طرح ہوتے ہیں، اگر کسی ایک میں بھی نقص ہو تو منزل پر پہنچنا مشکل ہے۔البتہ اولیاء ٹوٹی پھوٹی کشتی کو بھی کنارے لگا دیتے ہیں، یہی وجہ ہےکہ ٹوٹے پھوٹے لوگ اولیاء کے گرد جمع ہو جاتے ہیں۔
  • مذہب سے بالا تر اللہ کی محبت ہے، جو تمام مذاہب کا عرق ہے، جبکہ اللہ کا نور مشعل راہ ہے۔
  • تین حصے علم ظاہر کے اور ایک حصہ علم باطن کا ہے جو خضر( وشنو مہاراج) کے ذریعے عام ہوا۔ اللہ کی محبت ہی اللہ کے قرب کا ذریعہ ہے،جس دل میں خدا نہیں کتے اس سے بہتر ہیں کیونکہ وہ اپنے مالک سے محبت کرتے ہیں ، محبت ہی کی وجہ سے مالک کا قرب حاصل کر لیتے ہیں ورنہ کہاں ایک نجس کتا اور کہاں حضرت انسان!
  • اگر تجھے جنت اور حورو قصور کی آرزو ہے تو خوب عبادت کر تاکہ اونچی سے اونچی جنت مل سکے!
  • اگر تجھے اللہ کی تلاش ہے تو روحانیت بھی سیکھ تاکہ تو صراط مستقیم پر گامزن ہو کر اللہ کے وصال تک پہنچ سکے!